Jy is spesiaal en geliefd

imagesHXC3SGQJ

Daar is soveel dinge wat in ‘n dag kan gebeur. God se seeninge kom elke dag onvoorwaardelik op ons pad. Elke more as ons ons oe oopmaak begin ‘n nuwe hoofstuk op ons lewenspad. Dis ‘n pad wat ons nie ken nie. Die rigting is nie vir ons aangewys nie. Daar word vir ons elke dag keuses gegee. Dis miskien nie wat ons vir gevra het nie maar dis ‘n deur of venster wat God vir ons gee om ons pad te verlig.
Die afgelope paar weke en dae was ongelooflik moeilik. Die onsekerheid van die toekoms maak mens op ‘n manier dood binne. Mens begin twyfel in jou vermoens en voel soos ‘n nul op ‘n kontrak. Dis baie moeilik om in sulke tye positief te bly. Maar gelukkig gee God vir ons mense op ons pad. Mense om ons geloof te versterk. Mense om ons staande te hou. Geloofs en voelsmense.

imagesC2J89BGV
Dit loop uit op ‘n dag wat God jou vrae beantwoord en deure vir jou oopmaak. In die uur besef mens dat God ons gebede aanhoor. Al voel dit partykeer of ons teen die dak vas bid en praat met ‘n ligleegte. God verhoor altyd ons gebede. Hy tel ons trane op in ‘n emmer en verander dit in seeninge. God belowe ons in Psalm 91 dat Hy saam met ons die pad stap en dat ons die slange om ons se koppe sal vermorsel en dat ons teen die bose beskerm word. Hy verskaf aan ons die wapenrusting om ons te beskerm teen alle aanvalle. Die belangrikste is egter ons keuse om dit te gebruik.
Ek wil vanaand vir elkeen van julle wat moeg is, wat moedeloos is en voel jy is alleen ‘n gebed gee:

FB_IMG_15708512825474896.jpg
“Here ek weet U woon in my. En ek weet U het U Gees gestuur om my te vertroos, te versterk en om die gees van Christus aan my te openbaar. Spreek U vertroosting aan my. Ek het geen krag meer oor nie. U sal my moet ophef en lei.”
Die Heilige Gees sal jou nie mislei nie. Hy sal jou die goeie dinge wys wat God vorentoe vir jou beplan. Maar jy moet dit waag om te glo dat Hy met jou sal praat.
Jy sal nie flou val nie. Jy gaan triomferend uit jou beproewing kom, want jou geloof sal getoets word en so suiwer soos goud bevind word. En jy sal sien dat die Here elke belofte wat Hy aan jou gemaak het vervul het. Amen!

Uittreksel uit Leef Voluit:

imagesDUFT369D
Is jy op “Moedverloor se vlakte”?
Dis tog net menslik om moedeloos te wees as dit met jou sleg gaan!
Hoekom raak ons so maklik moedeloos?
Daar is baie redes, maar ’n algemene rede is die ervaring van oënskynlike mislukking. Dikwels hoor ons mense die volgende sê: “Dit help nie meer om te probeer nie. Ek is keer op keer onsuksesvol met my pogings!” “Ek word net nie gesond nie!”, “Ek kom net nie uit hierdie finansiële verknorsing nie” “My huwelik is op die rotse!” ,”Ek kry nie werk nie!”,“Elke keer wanneer ek probeer vrede maak, word ek verneder” ens.
Wat is die gevolge van moedeloosheid?
Van die baie gevolge is die mees tragiese: “ek kan nie meer nie, ek gooi nou handdoek in!”
Efesiërs 3:12 -19 maak vir moedelose mense ’n deur van hoop oop. Lees dit deur hier te klik
Efese was ‘n stad met sy ongeveer 250,000 inwoners ’n baie belangrike stad en alombekend vir sy kuns, sy argitektuur, sy towenaars, sy sterre-voorspellers, sy gelukbringers wat orals te koop was. Die kern van die stadslewe was die Diana/Artemis-kultus. Vir die Christene in Efese was die bose geeste in hierdie donker stad ’n daaglikse werklikheid. Hier het Satan regeer! (Efes.6:11,12)
Desnieteenstaande het die Heilige Gees op ’n buitengewone manier in Efese ingegryp en ’n verskil kom maak. Klik op Hand.19:11 en 12. Paulus se bediening in Efese was “een van sy groot suksesverhale”. Hy was instrumenteel om Christene te mobiliseer, toe te rus en uit te stuur. Hulle het die hele Romeinse provinsie Asië binne twee jaar geëvangeliseer.

imagesBRVBSN4X
Daar was egter ook ’n moeilike kant. As professionele tentmaker moes Paulus vir homself én vir ander sorg. (Hand.20:34 en 35) Vir drie jaar lank het hy sonder ophou vir elkeen, dag en nag en met trane, die regte koers aangewys. (Hand. 20:31) Vir drie maande het hy onderrig in die sinagoge gegee totdat slegte praatjies veroorsaak het dat hy vir die volgende twee jaar daagliks in die lesingsaal van Tirannus {blykbaar van 11:00-16:00} opleiding gegee het. Hy het ook ’n ernstige botsing met die ambagsmanne van Efese gehad wat die godin Diana (Artemis) as die enigste “god” verkondig en verdedig het. Ook hier het Paulus as’t ware met wilde diere geveg. (1 Kor.15:32)
“Paulus, hoekom het jy jouself onvoorwaardelik en vir drie jaar lank in Efese afgesloof? Waarom was dit vir jou die moeite werd om hier aan te bly?”
Hierop het hy geantwoord.
– God het my die opdrag gegee (Efesiërs 3:2)
– Ek het dit ook in julle belang gedoen.
Dis die enigste redes waarom jy moet bly waar jy is, anders ondersoek jouself en indien nodig, beweeg aan!
Die Christene in Efese kon moedeloos geword het as gevolg van hulle demoniese omstandighede en/of as gevolg van Paulus se gevangenis-omstandighede.
Nou wys Paulus vir hulle dat ongeag hulle en sy haglike omstandighede daar tog ’n deur van hoop oop is.Wat is hierdie deur van hoop?
– jy het enige tyd en altyd vrye toegang tot die Vader.” [Klik op Efesiërs 3:12 en Hebreërs 4:16]
– begryp hoe breed, lank, hoog en diep God se liefde vir jou is.[Klik op Efesiërs 3:16-19 en Romeine 8:38 en 39]
Kind van God, weereens….versterk jou in die Here, want
– jy is gewortel en gegrondves in die liefde van God
– jy het ’n ongehinderde oop deur na die Vadertroon.
Sou jy vra: “Hoe versterk ek my in die Here?” dan antwoord ek jou deur jou uit te nooi om hier te klik.
Wie altyd net vaskyk teen sy/haar slegte en moeilike omstandighede sal moedeloos raak en moedeloos bly.
Maar wie voortdurend
– hul oë op Christus Jesus gevestig hou en met vertroue God se beloftes koester en
– onthou dat hy/sy te alle tye met vrymoedigheid tot God mag nader en altyd by Hom meer as net welkom is,
– God en Sy liefde begin beleef ….
sal begin om met hoop te lewe.
Om net jou eie identiteit in Christus te kén, is onvoldoende. Dis veel beter om jou identiteit in Christus te ken en saam daarmee met hoop te leef. Hierin is Paulus vir ons ’n rolmodel. Hy het nie net God se plan met sy lewe geken nie, maar saam daarmee, ongeag sy omstandighede, ook met hoop geleef.

 

fb_img_15603711619581726801911.jpg
So trek jou wapenrusting aan. Hou jou oe gerig na bo. Maak jou hart oop en gee jouself aan God.
Jy is spesiaal en geliefd.

Browsing in 2020

 

imagesK2TQ2XX4

So begin die browsing van 2019. Ons bekyk alles en bespiegel oor dit wat gebeur het. Almal lewer kommentaar en party hou hulle opinies vir hulle self. Om ‘n jaar te voltooi is nie maanskyn en rose nie. Dis een van die moeilikste goed om suksesvol te doen. Hoekom sou jy vra? Want vandag is nie gister nie en help nie met more nie.
2019 is die verlede. Ons kan terugkyk op ons pad en lesse leer. As ek na my reis terugkyk kyk ek uit 2 tipe oe. Die eerste die van ‘n vrou wat haar gesin en kinders net die beste wou bied. ‘n Vrou en ma wat ‘n kans geneem het om vir haar kinders deure oop te maak en horisonne te verbreed. Ons het die geleentheid gehad om te reis en my kinders was in 4 verskillende lande met uiteenlopende kulture. Hulle het ‘n kykie gekry van hoe ‘n mens werklik moet kan lewe. Sonder vrees, vry en in ‘n land waar jy as individu gerespekteer word vir wie jy is. Hulle kon sien wat dit is om in die see tussen visse te swem en in die berge te kon bly. Om daagliks arende te tel en buite te kon sit en die natuurskoon wat God aan ons geskenk het te kon waardeer.

hoop1
My ander stel oe is weer die van depressie. Daai lastige vraag wat as ons nie gegaan het nie? Dinge sou finansieel soveel anders gewees het. Nou die stres van voorentoe. Die pad wat nou gestap word is gevul met onsekerheid en vrees. Skuldgevoelens en bitter baie twyfel.
Vandag het dit gereen. Die eerste gedagte was dit gaan ‘n geseende jaar wees want God stuur Sy seeninge uit die hemele vir ons. Ek lees my facebook bladsye en sien soveel meer raak. Weet nie omdat dit is dat die huis stil is en mamma bietjie mamma tyd het nie en of dit net is dat ek dit moet raak lees.

images4I3VU6VT
Ek sien ‘n man wat in ‘n kerk instap en mense aanraak en sing tot eer van sy God. Ek lees ‘n vriendin se blog oor haar moeilike jaar na die afsterwe van haar pa en nou haar hondjie wat baie siek is. Ek lees van ‘n tiener wat se lyk gekry is en kan my nie indink aan wat deur die ouers se harte moet gaan nie. Ek dink terug aan my vriend se dogtertjie wat ontvoer is en begin weer bid vir ‘n kosbare vriend wat baklei vir sy lewe in die hospitaal. Dis dan dat mens besef hoe geseend jy werklik is.
Die Here se planne met ons is nie ons keuse nie. Hy het ons pad bepaal. Niks wat ons kan doen gaan dit kan verander nie. ‘n Vriendin het eendag vir my gese dat sy sien God soos volg: Hy het ‘n groot hand wat Hy in die vorm van ‘n bakkie hou. Binne in die bakkie is sy en al God se kinders. Omdat Sy hand ‘n bakkie vorm kan mens val maar jy sal NOOIT uitval nie. Jy is veilig daar in Sy palm. Hoe wonderlik is dit nie. Ek besef dan weereens dat al wat ons kan doen is browse deur ons dag en hoop op geluk en liefde. Die res is alles bysake.

imagesK9TT3QCH
Daar is niks wat mens kan doen aan die verlede nie maar die toekoms………… dis hy waaraan jy kan werk. Jy kan hom hammer en timmer en hoop dat aan die einde van die jaar kan jy se jy het darm ietsie bereik van dit wat jy gehoop het om te doen.
Ek wil jou graag uitdaag en aanmoedig. Kyk om jou rond. Sien die voeltjies in die lug. Kyk na die kinders wat speel. Vat jou man se hand en stap in die winkelsentrum, so what hy is jou man jy mag. Koester jou ouers want tyd is kosbaar. Spandeer tyd saam met hartsmense en deel jou lewe met die wat saak maak. Laat jou lei deur jou hart en die woord van God. As mens die jaar so kan ingaan en deurstap kan dit net een einde he: GELUK HOOP EN VREDE.
Mag almal ‘n geseende en vreugdevolle 2020 ervaar. Mag jou drome waar word en jou hart oorloop van guns.

Uitreksel van ‘n kosbare gebed. My voornemens vir ‘n ieder en elke.

hoop4

“Abba Vader, ons liefste liefste God
U is so spesiaal vir ons
U is ons hele lewe Pappa God
U is ons alles
U is ons rede vir opstaan
U is ons rede vir aangaan
U is vir ons so vêr by spesiaal verby
Woorde sal nooit rerig kan sê
U is alles vir ons
U is ons Anker Heer
Soveel, soveel hoop in ons harte
Alles net omdat ons weet U leef
Omdat U leef
Hoef ons nie vir môre bang te wees
U is alreeds daar
Ons weet U wag vir ons
Die beste Vriend het U aan ons gegee
Om ons te lei
Om ons te leer
Heilige Gees, elke dag is Hy baie naby
Wat sou ons ooit sonder U in ons lewens doen?
Pappa-Vader dit is U wat alles die moeite werd maak
U gee aan die lewe nuwe sin
Maak dat ‘n mens wil opstaan en weer probeer
Vader kom leer ons asseblief
Meer van U waarheid
Help ons om te glo soos U glo
Help ons om te sien wat U sien
Help ons om sterk te staan
Teen die aanslae van die vyand
Help ons om ‘n verskil te maak
Waar ons ookal beweeg
Vader ons wil hê U moet rerig
In ons leef
Ons wil nie hê dat die ‘eie ek’ in ons harte
Ooit moet koning kraai
Vader asseblief vat alles in ons vir U
Vat ons hoogmoed en gee aan ons U nederigheid
Vat ons trots en vervang dit met U liefde Heer
Vader ons vra wees asseblief altyd die Koning oor alles in ons
Ons wil nie weghardloop nie Vader
Ons wil in U liefde en waarheid bly
Ons wil hê U lig moet in ons leef
Ons wil hê U alles moet ons s’n wees
Vader neem ons begeertes
Smagtinge en liefde
Vir hierdie wêreld
Neem dit alles vir U
Ons wil nie hê dat enige iets
Ooit tussen ons en U moet kom nie
Vader ons wil hê dat U in alles
Altyd nommer 1 sal bly
Asseblief Hemel-Vader
Moenie toelaat dat dit ooit gebeur
Dit sal ons harte breek
Niemand – nie eers ons – verdien U plek van eer
Daarom Vader kom buig ons laag
Voor U Troon
Vader ons vra … dit is ons grootste, grootste gebed
Hou ons asseblief trou tot op die end
Doen altyd alles Vader
Om seker te maak
Ons en U bly waarlik EEN
Nooit maar nooit wil ons U net met ons lippe dien
Ons wil hê ons harte moet altyd buig
Ons wil hê ons harte moet altyd bly getuig
U is God
En gee in liefde en soveel genade vir ons om
Omdat U leef
Bestaan ons
Nooit ooit wil ons in ons eie harte
Hoër as U en U wil en planne vir ons wees
Vader ons vra
Laat U planne en wil deur ons geskied
Vat ons werke en koninkryke baie vêr van ons af weg
Al wat tel U s’n want dit is al een wat tot in ewigheid sal standhou
Ons gee U ons alles Vader-God
Niks wil ons meer terughou
Van vandag af tot U ons kom haal of ons, ons koppe neerlê
Vra ons dat hierdie gebed ons behoud sal bly
In Jesus se wonderlike Naam
Vra ons dit Vader
En ons sê baie dankie
Daarby
Halleluja, tot in alle ewigheid
Jesus is die enigste, ware Koning
Vir altyd en altyd
En weer daarna
Amen.”

En vir die wat voel hulle is in daai donker donker put. Lees en bid die gebed. Kyk op en onthou jy is nie alleen nie.

hoop5

“Dis vandag my Heer en hemelse Vader, wat ons, ons tot U wend.
Vader, ek bid baie spesiaal vir een en almal wat vandag sit met probleme, wat die oorsaak mag wees van hartseer en verdriet.
Vader, U sien al die hartseer en pyn raak, Here tans voel dit of ons in n bodemlose put rondswem,
Here my gebed is dat U een en elkeen wat vandag bodemloos rondswem uit daardie put sal uitlig, deur U sterk kragtige arms onder hulle in te druk en hul optel.,
Vader, sodat hul weer sal kan hoop, glo en vertrou, vetrou dat U Woord hul wapen en krag teen die aanslae van die vyand is en sal wees.
Vader, net so ken U elkeen se smart van hartseer en verdriet, maar Vader U, sal vir elkeen van ons genesing bring, waar daar redding sal plaasvind, wat vir ons die oorwinning van vrymaking sal wees, in ons lewens.
Vader, dankie dat U ons seen met U, krag van wysheid en U liefde,
Dankie vir U genade elke dag,
Vader baie dankie dat ons ook vandag deur die regte kanale met U in aanraking mag kom.
Ons loof U o God want U is wonderbaar.
Amen!”

hoop7

Breek die stilte

mis1

Soos die tyd verloop word kinders groot. By geboorte is hulle die oulikste van die oulikste. Ouma’s, oupa’s, oom’s en tannie’s wil hulle net woorde leer. So klein en broos as wat hulle is, is hulle laggies aanstekend en so kosbaar en rein. In hulle oë is alles nog splinternuut. Die uitkyk en prentjies het soveel kleur en die geluide is asemrowend mooi. Alles moet ontdek word. Niks kan verbygaan wat hulle nie by naam kan ken nie. Hulle is ‘n konstante bron van inligting wat ingeskryf moet word. Hoe meer hoe beter. Soos hulle groter word word die vrae meer ingewikkeld. Die feite moet meer korrek wees want ons maatjie Google is mos daar om ma en pa tog al te graag verkeerd te bewys. So word ons kinders groot. Hulle is gedurig besig om iewers iets te leer.

imagesODAJ0HH4
Goed of sleg sal bepaal wie hulle is. Die voorbeelde wat ons stel vandat hulle klein is vorm hulle in hulle menswees en waardes. Dis so maklik om ‘n klein seuntjie se hele lewe te verander met woorde van: “vat jou bababoetjie en ander boetie in die kamer in. Sluit die deur en maak net oop as mamma se jy moet.” Die vrees en angs is iets wat vir ewig by hulle spook. Dan die vraag van pappa hier is ‘n seuntjie in my klas wat sê hy gaan nou ook my boetie wees. Watter babelse verwarring moet dit nie net veroorsaak nie. Ander is weer nie so gelukkig nie. Hulle word fisies geslaan en verniel van binne en buite. Buite kan mens ‘n pleister plak maar binne……….

mis4
Daai is seer wat nooit regtig gesond word nie. Mens dink dit het maar op ‘n dag kruip die uit sy gat. Tydens ons 16 dae van aktivisme wou ek graag iets skryf oor die emosionele verwaarlosing van ons kinders. Ek het ongelukkig nie die regte woorde gehad tot vandag nie. Meeste van ons het kinders. Verskillende ouderdomme en die jongste is mos maar altyd die windgat. Ek glo kinder reageer soos hulle geleer word en wat hulle sien by grootmense. So as ‘n kind sien grootmense sit en gesels en vloek en skinder word dit vir hom normale gedrag. ‘n Kind wat byvoorbeeld moet hoor hoe sy ma nooit iets reg doen in sy pa se oe nie sal weer voel hy moet haar beskerm want pappa doen dit nie.
Enige gedrag begin by speel. Maar wanneer verander speel na dis nou genoeg. As mamma vir pappa 80 maal se nee hou op en hy hou aan. “Maar mamma pappa hou dan aan so ons moet ook”. Wat word nou eintlik hier geleer.

images680KPD1G
Kinders is baie broos. Veral kinders wat baie introvert van geaardheid is. Hulle is bitter sensitief op woorde en dade. Goed pla hulle ook gewoonlik baie veral as hulle dit nie kan verstaan nie of dink dit is heeltemal verkeerd. ‘n Kind wat introvert is hou nie van kritiek nie want dit partykeer al wat hy kry en al wat hy hoor. Jy mag nie nog ‘n chippie kry nie hier kom mense. Jy mag nie nou weer iets drink nie hier kom mense. Jy moet kyk waar jy loop voor jy die goed breek. Maak oop jou oe. Jy is te stadig. Jy kan nie dit doen nie doen eerder dit(hoe moet hy anders leer as hy nie probeer nie.)

imagesRFYTPXTW
Dan is daar ander woorde: ek gaan jou bliksem, moer of donner tot jy dood is as jy nou weer…….., of gryp aan die hempkraag en trek hom in die huis hy wil mos. Afbrekende byname vir as ‘n kind bietjie laatslaap in die vakansie, of konstante aanmerkings oor sy gewig.

mis2
Wat maak ons. Ons kinders is ons geskenke van God. Hulle is aan ons gegee om vertroetel te word. Ja hulle is nie engeltjies nie. Maar daar is ‘n gesegde wat se toon aan my respek en ek respekteer jou. As ek jou 3 maal groet en jy groet nie terug nie moenie more kwaad wees as ek dit nie weer gaan doen nie. Ons kinders word groot met soveel dinge. Hulle word letterlik groot gedruk deur die lewe en sy omstandighede. Hulle kan nie verhelp vir die pad wat hulle moet stap saam met ma en pa nie.
Ons as ouers moet waak teenoor dit wat ons doen en se voor ons kinders. Ons voorbeeld bepaal wat hulle gaan word eendag. En as ons nie ons kinders beskerm teen emosionele verwaarloosing nie, wie gaan.

imagesHXC3SGQJ
Hoe dink jy sal ‘n kind se gedrag elke dag wees as pappa hom bly dreig dat hy hom gaan slaan. Dieselfde kind word nog gespot omdat hy in die vakansie nog bietjie laat le tot mamma opstaan. Dieselfde kind wat sy boeties moet bloulek om saam met hom games te speel sodat hy ook net bietjie kan deel voel van hulle. Dieselfde kind wat so graag buite wil help bou en breek maar bang is want hy doen altyd iets verkeerd. ‘n Kind wat dan in die kamer in hardloop en se mamma is daar nie pilletjies wat ek kan drink sodat ek heeldag kan slaap nie want niemand soek my by hulle nie. Ja hy was stout. Toe hy en sy boetie gespeel het het hulle geraas, hy wou ook bietjie van die moeiliker werk doen soos ouboet en nie net die maklike werk nie want hy is mos ook groot en sterk, ek sou ook kwaad raak. Kan ‘n mens die kind blameer as hy opstandig is of ‘n houding het of kwaad is vir die wereld. Kan mens hom straf en se jy bly nou heeldag in jou kamer. Want as jy mooi dink wie het die gedrag gevorm?

mis5
God het aan ons kinders geskenk. Die kosbaarste besittings. Hy het ons maak belowe om hulle lief te he en te versorg. Hulle te leer in dit wat reg en verkeerd is. Hoekom is dit dan so moeilik om dit te doen. Hoekom is dit so moeilik vir ‘n ouer om ‘n kind in hulle arms te vat en te se ek is lief vir jou nes jy is. Hoekom is dit so moeilik vir ouers om op ‘ n bed te gaan sit en jou kind te vra wat is fout.
Ons gejaagde lewens gaan nie vir ons ekstra tyd koop met ons kinders nie. Dit gaan nie sorg dat hulle goed grootword nie. Ja dit kan sorg vir geskenke ens maar dis al wat dit is. Geskenke.

mis7
Maak bemoeinis met jou kinders. Gee hulle drukkies en vertel hulle hoe lief jy hulle het. Verseker hulle dat hulle nie mislukkings is nie en nog die hoogste hoogte sal bereik. Leer hulle van GELOOF HOOP EN LIEFDE.

KersTYD

kers4

Dis kersdag. Die geboorte van die Christus kind, Jesus. Soos ek hier sit en luister na almal wat rustig slaap kan ek nie help om te dink aan die jaar wat verby is nie.
So baie kan gebeur in ‘n jaar. Op facebook word ons gereeld herinner aan foto’s en plasings wat ons gemaak het. As mens so na die foto’s kyk begin mens besin oor dit wat was.

kers3
In ons almal se lewens kom en gaan daar mense. Ons ontmoet mense wat God op ons pad geplaas het om ons lewens te verryk. Die vriendskappe is nie altyd blywend nie. Partykeer maar van hulle jou diep seer. Mense wat jy beskou het as hartsmense draai hulle rug op jou en lewer jou uit aan skindertonge en waarhede wat hulle sien as reg. Ander kan kilometers ver weg wees en jy weet dat afstand maak geen verskil nie.
Ek kyk na my kinders en besef hoe geseend ek werklik is. Al is daar nie groot geskenke onder die boom nie. Al is daar nie fancy bome en die skitter van tonne kersliggies nie skyn daar wel een lig helder, liefde. ‘n Sielkundige het eendag vir my seun gese hy moet onthou die liefde is ‘n ketting. Dit kan roes, lelik raak maar die kettings sal vir ewig aan mekaar geheg word. Al skei die lewenspad vir mense soos mens ‘n eier sou skei bly daar altyd ‘n deel oor wat mens kan gebruik. Party dele is lekkerder as ander en ander moet gebeur om jou te vorm in die mens wie jy vandag is.

kers1
Dis snaaks as mens bak en brou is bestandele net bestandele. Maar kyk na jou lewe. Uit hoeveel bestandele bestaan jou lewe werklik. Watter bestandele kan jy verander of vervang met iets anders en watter is werklik onmisbaar. My pa het my gevra kan ek dalk tamatie konfyt maak en my antwoord was hoekom nie. Ja dis nie maklik nie. Dit kan flop en een groot pot tamaletjie wees maar ek gaan nie weet as ek nie probeer nie. Dis die lewe. Ons wil partykeer in ‘n comfortzone leef. Daar waar dit veilig is. Maar hoe gaan jy weet wat God vir jou bepaal as jy nie waag nie. Die kersdag en jaar het my geleer wie nie waag nie wen nie. Partykeer moet mens die onbekende aanpak om jouself te vind en net weer jou kompas te verstel na die ware noord, God.

kers2
Op kersdag vier ons die geboorte van Jesus. ‘n Dag waarop ons christine geseen is met die beste geskenk ooit. ‘n Verlosser en koning. Tamaletjie of nie, jou lewenspad is klaar bepaal en jou tyd hang van jou af. Die keuse van hoe jy dit aanpak is in jou eie hande. God verskaf aan ons alles wat ons nodig het. Hy verskaf ons egter soveel meer. Hy vergewe ons nog voor ons die simpel goedjies gedoen het waaroor ons nou le en top. Dit help nie mens bly in die verlede nie. Tyd staan nie stil nie. Maak nie saak hoe groot jy is nie.
‘n Vriend van my is ‘n ware boerseun. Groot, sterk en stewig. Sy hande die van ‘n reus. Deur hom het God ons weereens gewys dat daar waar hy nou op sy siekbed le maak dit nie saak hoe groot of hoe klein ons is nie. Jou hart, jou siel en jou fondasie is al wat tel. Ja daar is herinneringe. Ja daar is nie altyd net die regte besluite nie. Foute word gemaak. Dit belangrikste is die les wat jy leer. Staan jy op as jy val of bly jy net le?

blog 2
Op kersdag vier ons liefde en omgee. Hoekom net eendag. Gebruik elke dag om dankbaar te wees vir alles wat jy het. Groot en klein. Gryp elke geleentheid aan al is dit hoe angswekkend en onbekend. Jy gaan nie weet as jy nie probeer nie en wat as is iets wat erg kan knaag. Maak elke dag kersdag. Kersdag is die geskenk van medemenslikheid, die geskenk van jou tyd en omgee. Dit kan nie gemeet word in geldwaarde nie. Die waarde wat dit wel het is partykeer so onskatbaar dat jy nooit sal besef die lewe wat jy aangeraak het nie. Die gebaar van omgee kan maak en breek.

untitled
Gee van jou tyd. God het Sy seun gegee vir jou en vir my. Watter groter geskenk is daar nie.

Jou reus

 

giant1Op ons almal se lewenspad kom ons af op ‘n reus. Dis die een persoon wat die impak maak wat jou lewe en uitkyk kan verander. Ek het die eer gehad om saam met so persoon te werk. Oelie was die tipe persoon waarvoor die kinders ongelooflik bang was. ‘n Ware boerseun. Groot, stewig en met die hande wat die merk mag los. Hy was die personifikasie van ‘n reus.

giant4
n Reus verwys na ‘n mitologiese wese, met die kenmerkende eienskap dat hy uitsonderlik groot is. Ons dink byvoorbeeld aan Jan en die boontjierank. En dan onthou ons die bybel storie.
Een van die bekendste verwysings na ‘n reus is in die Bybel in 1 Samuel 17:1-54 opgeteken. Hier kom ‘n jong seun, Dawid teen die reus Goliat te staan. Dawid verslaan Goliat deur hom met ‘n klip uit sy slingervel teen sy voorkop te gooi. Toe die Filistyne dit sien draai hulle om en hardloop weg. Die Israeliete sit hulle agterna en wen die geveg.

giant2
Hoe wonderlik om te weet dat maak nie saak hoe groot of hoe klein jy is nie jy kan ‘n impak maak. Reuse se voetspore is geset. Dis daar om te bly. Hulle voorbeeld en lesse wat hulle jou leer is iets wat kosbaar is. Soos die reus se goue eier. Maar die een ding wat ek al geleer het van ‘n reus is dat al is hulle hoe groot, hulle harte is bitter klein. Dis wat hulle so uniek maak. Dis asof hulle van daar hoog bo ‘n beter uitkyk het op die wereld. Hulle insig en raad is altyd tot die punt en reguit. Hulle draai nie doekies om nie en noem ‘n spade ‘n spade.
Daar is egter ook nog ‘n ander tipe reus wat ons ken. Die olifant. “Die reus met die handige neus! Sy slurp is in werklikheid ’n verlengde neus, maar dit werk boonop uitstekend soos ’n arm en ’n hand. En al is die olifant so ’n groot en logge dier, toon x-strale dat hy eintlik op die punte van sy tone loop…”. ‘n Olifant bring jou tot stilstand. Hy bekyk jou en staar jou aan. Hy oorweeg sy bewegings. Maar een van die mooiste kenmerke is hulle beskerming van die trop. Hulle sal hulself altyd in die pad plaas van gevaar as dit beteken hulle kan hulle trop red. Niemand mors met hulle nie.

imagesC2J89BGV
Dis die tipe reus wat so brood nodig is in ons lewens. Daai een persoon wat altyd daar is. Die persoon wat met jou reguit praat. Luister, raad gee en jou toelaat om jou eie besluit te neem. Hulle los jou nie dan aan die genade oor nie. Hulle staan jou by. Al gebeur die verkeerde ding en die besluit was verkeerd los hulle nie jou sy nie. Hulle is altyd daar. Jy kan net die telefoon optel of in die kar klim.
Maar ongelukkig kan reuse nie vir ewig lewe nie en is hulle net so kwesbaar soos ons. Partykeer meer as wat ons is. Omdat hulle so onbaatsugtig gee skeep hulle 99% van die tyd hulle self af. Hulle gee onvoorwaardelik. Hulle verwag niks in ruil nie. Maar dis die beste van ‘n vriendskap met ‘n reus. As hulle val kan jy ook daar wees. Hulle besef dan wie waarlik daar is vir hulle en met hulle klein hartjies besef hulle die invloed wat hulle gehad het en nog het.

giant3
Reuse is kosbaar soos perels en bitter skaars. As jy die kans het gee jou reus ‘n drukkie, ‘n boodskappie of net ‘n glimlag. Laat hulle altyd weet hoe spesiaal hulle is en dat hulle altyd diep binne jou ‘n plekkie het wat net hulle kan vul.

Die tyd is NOU, die middel is JY

kers3

Dis weer die tyd van die jaar. Gedurende die dae begin mens beplan aan kersetes en geskenke. Die gedagtes dwaal terug na alles wat die jaar afgespeel het en wat alles gebeur het.
Dis snaaks hoe mens begin kyk na dinge. Klein goedjies word raakgesien. As mense geskenke gaan koop dan is ons geneig om te dink aan alles wat die persoon gedoen het deur die jaar en dit op ‘n manier bepaal wat die geskenk is en hoe duur dit is. Vir party mense is dit die maklikste ding om te doen en vat tyd met die keuse van elke geskenk vir elke persoon. Vir ander is dit ‘n gryp en hol aksie want daar is nie tyd nie. Daar is soveel wat gedoen moet word en tyd is kosbaar en min voor kersfees.

kers5
In die tye raak die ware betekenis van kersfees verlore. Tydens ‘n gesins geselsie sit ons en lag en skerts oor die advertensies op die TV. Binne my is ‘n warboel van gevoelens en gedagtes, soos ek seker is by baie van ons ouers is die tyd van die jaar. Die jaar was rof en nie maklik nie. Soveel het gebeur. Die jaar is geskenke koop nie ‘n prioriteit nie. En dis toe dat die een van die seuns vir ons sê: Maar mamma dit gaan nie oor geskenke nie. Ons is almal saam en dis al wat tel. Binne my wil ek breek. Hoe het ek sulke “insightfull” kinders. Sonder om te blik of te bloos is hulle nie in die minste bekommerd oor wat onder die klein kersboompie is nie. Vir hulle is dit genoeg om net as familie saam met mamma, pappa en ouma hulle te wees.

kers6
Daar is soveel mense wat hulp nodig het. Ons is so toegesluit vir dit wat met ons gebeur dat ons nie altyd ander se seer sien nie. Woorde sny baie keer dieper as die skerpste mes en los dan wonde wat nie maklik genees nie, veral die tyd van die jaar. ‘n Vriendin gesels met my in die week oor ons wat as gemeenskap partykeer nie die son oor ‘n ander laat skyn nie. Ons kyk nie na die agter die skerms nie. Party mense se omstandighede is duister en nie almal loop met hulle harte op hou moue nie.

images1M73VXJM

Party mense hou dinge en seer so toegesluit dat min werklik weet wat binne aangaan. Die maskers wat hulle dra is so goed dat mens nooit sou kon raai wat onder lê nie. In die tyd wil ek ‘n beroep doen op almal. Voor jy jou volgende geskenkie koop of planne uitwerk kyk om jou rond. Ek se nie maak jou beursie oop en gee geld links en regs nie. Gee van jouself. Die woordjie hoop. Die teken van liefde en omgee dis soveel meer werd as goud en silwer. Die drie wyse manne het geskenke van goud, silwer, wierook en mirre gebring. Dis al wat hulle gehad het en het soveel meer beteken.

kers4
Tydens die tyd vertel ons altyd die storie oor die geboorte van Jesus. En hier sit Josef en Maria in ’n eenvoudige stal en wyse manne bring na Baba Jesus persente van goud, wierook en mirre. Wat sê die persente van die Een vir wie hulle dit bring?

images7NO1PFQW
Goud, want Hy is die Koning. Wierook, want Hy is God en moet vereer en aanbid word.
Mirre, want Hy het gekom vir die sterflike mense sodat ons nooit meer hoef vas te kyk in die gebalsemde liggaam van dooies nie. Daardie Babatjie is die Koning van die heelal! Daardie Babatjie is God! Daardie Babatjie is gebore om te sterf, en gebore om op te staan. In daardie drie geskenke word byna die hele evangelie saamgevat!
Goud – Wierook – Mirre. Koning – God – Mens.

kers2
So word hulde gebring aan die Koning van Konings met die mees allerdaagse geskenke beskikbaar. Kersfees gaan nie oor wie die meeste het nie. Dit gaan nog minder oor die mooiste. Dit gaan wel oor die “hart” van die geskenk. Al die geskenk groot of klein, ‘n blokkie steenkool of ‘n stukkie sjokolade. Op die ou end van die dag is dit die daad. Daar was ‘n paar jaar terug ‘n film waar die ouers vir kinders elkeen ‘n koevertjie gegee het vir kersfees. Binne was ‘n uitknipsel van wat hulle graag wou he met die woorde ‘ I owe you’. Dis die gedagte. Die daad.

images4PL410BB
Mag God hierdie Kerstyd die wêreld deurweek met sy teenwoordigheid. Mag Hy ons oë open om werklik te kan sien hoe en waar Hy besig is om te werk en sy koninkryk te laat kom. Mag die persente van Kersfees en die vreugde wanneer ons dit ontvang en uitdeel ons herinner aan die eer en die lof wat aan Hom behoort. Mag die dag gevul wees vol liefde en vreugde. Laat die liefde vloei deur jou elke sekonde van elke dag. Amen.
Die tyd is nou en die middel is jy

imagesBE1V63AB

Bakstene van die lewe

imagesDKTZ9NQT

Dis nie altyd maklik om te oorleef in vandag se tye nie. Elke minuut van elke dag bring sy eie uitdagings. Ons sintuie vir oorlewing is in “overdrive” want oorleef dit moet ons.
Ek lees facebook posts en kyk na nuusberigte. Dis skokkend om te sien hoeveel seer daar buite is. Mens sit elke dag en dink net aan jou eie hartseer. Jou eie struikelblokke. Jou gat lyk partykeer vir jou so diep dat jy nie dink jy ooit weer bo gaan uitkom nie. Waar is die lig? Wanneer kom die hulp? Dan lees jy van ‘n barmhartige samiritaan wat ‘n vrou in kraam by die hospitaal kry. Van boere en besighede wat hande vat en saam staan teen droogte en verdriet. Mens sien die bemoeding in die woorde van ander.

imagesYOM8HXJI

Maar ongelukkig is almal nie so nie. Daar is diegene wat met hulle haat wil oorneem waar die goeie geplant is. Die bybel stel dit duidelik in Galasiers 6:1 “….wanneer iemand in die een of ander sonder verval, moet julle wat deur die Gees gelei word, daardie persoon nederig reghelp. Wees baie versigtig dat jy nie ook versoek word nie.” En hierin le ons ondergang.
Ons is so bang om betrokke te raak. Ons oordeel eers en dan probeer ons, as dit ons pas, om ‘n ander te help. Ja, ek weet in vandag se tye is vertroue en geloof nie maklik nie. Elke dag word ons geduld getoets. Ons word oorweldig met alles wat sleg kan gaan. Ons sien net ons eie potjie raak.

imagesLABA2BST
Dis dan wanneer die mooiste reenboog verby gaan sonder dat ‘n mens dit raaksien. Dit kon juis daai reenboog gewees het wat jou antwoord was. Ons geneigdheid om net te fokus om die hier en nou is besig om ons in ons eie werelde toe te gooi onder selfsug.
Almal kry op sy of haar manier swaar. Nie almal loop met hulle harte en gevoelens op hulle moue nie. Vir party is praat moeilik want jy wil nie veroordeel word nie of erger verwerp word nie. Jy bly stil. Jy bloei binne. Die wonde is nie sigbaar vir ander nie. Die oordeel en waagstukke is te groot.

blokke4
Gelukkig is ons geseen met familie en vriende wat jou kan dra. Jy word gebless met daai rare vriendin, wat al is sy kilometers ver weg, sy weet wanneer jy seer het. Jy word gebless met mense rondom jou wat jou optel as jy val en jou geloof versterk met hulle sin.
‘n Dag is nie maklik nie. Om in iemand anders se skoene te loop nog minder. Kom ons probeer om tydens die tyd, al is dit net vir 1, ‘n verskil in iemand se lewe of dag te maak. Jy sal verbaas wees wat ‘n kopknik, drukkie of thumbs up kan doen.

blokke2
Die beste wat ons kan gee vir mekaar is om van onsself te gee. Dis so maklik maar tog so moeilik. Probeer die mure afbreek al is dit een baksteen op ‘n tyd en saai jou saad en oes die vreugde en vrede van God. Jy is net so spesiaal vir Hom soos ek en al Sy ander kinders. Verbly jou in die wete dat daar iemand is wat jou raaksien en jou pyn verstaan. Al sien jy hom of haar nie nou raak nie is hulle daar. Die skadus kan hulle verbeur maar JY is SIGBAAR en GELIEFD.

blokke1