Tyd

 

Wat is tyd? ‘n Spesiale kamera kan ‘n mikrosekonde daarvan vries, bewegings vaslê wat te vining is vir die menslike oog om te sien. Maar tyd is raaiselagtig.

Neem byvoorbeeld ‘n koeël tref ‘n appel en in ‘n minuscule breukdeeltjie van ‘n sekonde hou tyd op bestaan en almal staan in afwagtig. Stukkies appelvlees spat, natuurlike sappe word versprei en die appel ontvorm na iets heeltemal anders. Vol skade en skeure en breuke.

Die woorde: “Nie nou nie later.”, of “Kan ons dit nie more doen nie” is algemeen in ons woordeskat. Ons wil tyd reel en maak om by ons skedules in te pas. Ons hele lewe en menswees draai om dagboeke en afsprake en gejaag na sukses. Mamma’s jaag deur die dag om kinders gereed te kry vir skool, dis aflaai en optel. Dan kom huiswerk en kosmaak en al die ander “huisvrou” takies. Pappa moet vroeg op om betyds te wees vir die werk of die baas is kwaad en dit wil ons nie hê nie. “Deadlines” word gestel en stres is baie want baie word verwag.

Die uurglas kan nie teruggedraai word nie. Wat verby is is verby. Daar is nie ‘n “reboot” of “reset” knoppie nie.  Nog minder is daar soos in atletiek “Get ready, set, go” nie. Dis aanhou en deurdruk ten koste van wat? Ek weet wat?  Jou geestelike tyd. Oggendstilte word minder wat die dae is langer. Vanaand is jy uitgeput en moeg en stel uit tot more. Jy wil nou ‘n antwoord op die vraag he en gee gou ‘n ou skietgebedjie op na Bo. Hy is mos daar.
En hoe waar is dit nie. Hy is ALTYD daar. Sy tyd is oneindig. Ons tyd is reeds bepaal. In ons gejaagde lewens maak ons al hoe minder tyd vir die beste Pa ooit. Dan vra ons gereeld maar die Here hoor my nie, Hy antwoord nie as ek vra nie. Die vraag is: Praat jy regtig met Hom? Is Hy ‘n onmisbare deel van jou lewe? Bepaal Hy jou dag en sy program of los jy dit in die hande van onkundige mense?

In Prediker 3:1-9 staan die volgende boodskap:
Alles gebeur op ‘n bepaalde tyd. Alles in die lewe is vooraf bepaal: daar is ‘n tyd om gebore te word en daar is ‘n tyd om dood te gaan; daar is ‘n tyd om te plant en daar is ‘n tyd om weer die plante uit te trek; daar is ‘n vasgestelde tyd om dood te maak en daar is ook ‘n tyd om gesond te maak; daar is ‘n tyd om dinge af te breek en ‘n tyd om dit te herstel; daar is ‘n tyd wanneer ‘n mens hartseer is en dan is daar ook weer ‘n tyd vir vreugde; daar is ‘n tyd om te huil en ‘n tyd om weer gelukkig te wees; daar is ‘n tyd om mekaar lief te hê en ‘n tyd om weg van mekaar te wees; daar is ‘n tyd om mekaar te liefkoos en ‘n tyd wanneer liefkosing nie pas nie; daar is ‘n tyd om te soek en ‘n tyd om goed te laat wegraak; daar is ‘n tyd om op te gaar en ‘n tyd om weg te gooi; daar is ‘n tyd om iets te skeur en ‘n tyd om dit heel te maak; daar is ‘n tyd om te praat en ‘n tyd om stil te bly; daar is ‘n tyd vir liefhê en ‘n tyd vir haat; ‘n tyd vir oorlog en ‘n tyd vir vrede.


Die opskrif is “magteloos uitgelewer”. En hoe waar is dit nie. Die goeie nuus is TYD is nie te laat nie. NOOIT nie. Jy moet net vra en tyd maak vir dit wat die belangrikste in jou lewe is: God. Maak seker jou lewe het: Stiltetyd (net jy en jou God), gesinstyd (kwaliteittyd), speeltyd (ontspan en geniet dit wat vir jou lekker is om te doen), bedientyd (motiveer mekaar en dra mekaar altyd). Die Here het klaar voorsiening gemaak vir al die tipes tyd. Ons moet net besluit gaan ons dit gebruik of nie.


 

Leave a Reply

Please log in using one of these methods to post your comment:

WordPress.com Logo

You are commenting using your WordPress.com account. Log Out /  Change )

Google photo

You are commenting using your Google account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s